Türkiyədə özünü “şəfa verən molla” kimi təqdim edən 69 yaşlı Həsən Vural polis tərəfindən saxlanılıb.
“Yeni Gundem” yerli mediaya istinadən xəbər verir ki, özünü “molla” kimi təqdim edən şəxs şəhər mərkəzindəki bir parkda 19 yaşlı əqli qüsurlu qıza sataşarkən görüntülənib. O, ilk öncə qızın əlindən tutaraq, boynuna və belinə toxunub. Daha sonra qıza qarşı əxlaqsız hərəkətlərinə davam edib.
Videodan xəbər tutan ailə polisə şikayət edib. Məhkəməyə çıxarılan Vural “seksual zorakılıq” ittihamı ilə həbs edilib.
