Türkiyə Silahlı Qüvvələrinin Suriya və İraqın şimalında həyata keçirdiyi hava əməliyyatı davam edərkən, ABŞ tərəfindən atılan addım qalmaqala səbəb olub.
”Yeni Gundem” yerli mətbuata istinadən xəbər verir ki, ABŞ Mərkəzi Komandanlığı (CENTCOM) terror təşkilatları PKK/PYD/YPG-nin təşkil etdiyi Suriya Demokratik Qüvvələrinə yardımlarını sosial mediada paylaşıb.
“Missiyamız çərçivəsində Suriyadakı QSD tərəfdaşlarımıza 20 vahid qan və plazma verildi” – deyə, qeyd olunan paylaşımda ABŞ-ın dəstəyinin davam edəcəyi vurğulanıb və “Bölgədə sabitliyin bərpası üçün birgə səyləri davam etdirmək əzmindəyik” – ifadələri işlədilib.