ABŞ Prezidenti Co Bayden yenidən səhnədədir: Onun hərəkəti “narahatedici” adlandırıldı.
“Yeni Gundem”in əldə etdiyi məlumata görə, ABŞ-ın ən yaşlı prezidenti Co Baydenin Şükran Günü üçün təşkil edilən tədbirdə balaca qıza “Nə gözəl qulaqların var” deməsi sosial mediada maraqlı şərhlərə səbəb olub.
Bir çox insanlar Baydenin hərəkətlərini “narahatedici” hesab ediblər.
Qəribə çıxışları və kobud səhvləri ilə tez-tez gündəmdə olan ABŞ prezidenti Co Bayden dünən keçirilən Şükran günü tədbirində balaca qıza dediyi sözlərlə yenidən suallar yaradıb. ABŞ-ın ən yaşlı prezidenti olan 81 yaşlı Co Bayden Virciniya ştatında dəniz bazasında keçirilən Şükran Günü tədbirində mikrofonu əlinə alaraq qonaqlara müraciət edib.
Gözünü balaca bir qıza dikmiş Baydenin qulaqları olan tac taxan uşağa yaxınlaşaraq “Nə gözəl qulaqların var” deməsi salonda heyrət yaradıb.
ABŞ prezidenti balaca qıza “Mən sənin qulaqlarını bəyəndim, çox gözəldirlər. Adın nədir?” deyib.
Kiçik qız “Ketrin” deyə cavab verəndə Bayden deyib: “Nə gözəl addır. Anamın adı. Neçə yaşın var? 17?” zarafat etdi. Çox gülməli olmayan bu zarafat zalda gülüşə səbəb olub. ABŞ prezidenti çıxışında uşaqları böyüklərdən çox sevdiyini deyib və “Kaş ki, səninlə qalıb Wonkaya baxa biləydim” deyib.
Baydenin bu addımı sosial mediada da böyük səs-küyə səbəb olub. Bir çox insanlar Baydenin kiçik qıza yanaşmasını “narahatedici və qorxulu” adlandırıb. ABŞ prezidentinin gənc qızlarla söhbəti əvvəllər də tənqidlərə səbəb olub. Bayden ötən ilin oktyabrında Kaliforniyada bir məktəbdə gənclərlə foto çəkdirərkən bir qız şagirdə tərəf əyilərək “30 yaşına qədər ciddi münasibət yoxdur” deməsi müxtəlif şərhlərə səbəb olub.
Bu gün 81 yaşı tamam olan Bayden son vaxtlar dilinin sürüşməsi və səhnədə öz mövqeyini tapa bilməməsi ilə lağ obyektinə çevrilib.
“Gələn il keçiriləcək prezident seçkiləri üçün Baydenə dəstək də getdikcə azalır”- deyə nəşr yazıb.
Mənbə: TGRT
Aynur Camal
