Amerika Müharibə Tədqiqat İnstitutunun (ISW) hesabatında azərbaycanlı deputata silahlı hücumda İranın izindən və Teldə səfirliyin açılması ilə bağlı İranın Azərbaycana qarşı təhdidlərindən bəhs edilir.
“Yeni Gundem” xəbər verir ki, martın 28-də millət vəkili Fazil Mustafanın güllələnməsinə görə Azərbaycan təhlükəsizlik orqanları tərəfindən həbs edilən 4 nəfərdən üçü İran təhlükəsizlik qüvvələrinə işləyib. Hesabatda deyilir ki, bir neçə azərbaycanlı parlamentari İrana qarşı oxşar ittihamlarla çıxış edib.
İnstitutun analitikləri ölkənin İsraildə səfirliyinin açılmasından sonra İrandan Azərbaycana qarşı narazılıq və hətta təhdidləri də qeyd edirlər: “İranlı 210 deputat Azərbaycanın İsraildə səfirliyinin bu yaxınlarda açılmasını pisləyən bəyanat imzalayıb. Bəyanatda səfirliyin açılmasının Azərbaycan üçün bir çox “mənfi siyasi nəticələr” ola biləcəyi ilə bağlı təhdid var”.
Bu hədə İrandan gələn yeganə “xəbərdarlıq” deyildi. Bundan əvvəl İran Xarici İşlər Nazirliyinin sözçüsü Nasser Kanani Chafi martın 29-da Azərbaycanın xarici işlər naziri Ceyhun Bayramovla İsrailin xarici işlər naziri Eli Koen arasında baş tutan müzakirəni pisləyib.
