Almaniyanın keçmiş kansleri Angela Merkel hesab edir ki, NATO-nun 2008-ci ildə Ukrayna və Gürcüstana üzvlük haqqı verməsi səhv olardı.
“Yeni Gundem” xəbər verir ki, Siyasətçi bu barədə İtaliyanın “Sette” həftəlik nəşrinə müsahibəsində deyib.
Onun sözlərinə görə, o zaman siyasətçilər belə bir qərarın hansı nəticələrə gətirib çıxara biləcəyini çox vaxt düşünmürdülər.
Merkel Minsk razılaşmaları ilə bağlı da mövqeyini bildirib. O qeyd edib ki, onlar Ukraynaya vaxt vermək cəhdini təmsil ediblər və ölkə də öz növbəsində bu müddətdən güclənmək üçün istifadə edib.
Almaniyanın keçmiş kansleri deyib: “Mən şübhə edirəm ki, NATO bu gün etdiyi kimi Ukraynaya kömək etmək üçün çox şey edə bilər”.
Siyasətçi vurğulayıb ki, Ukraynadakı münaqişə yalnız danışıqlar yolu ilə həll edilə bilər. Eyni zamanda, Merkel özünün də onlara qatıla biləcəyi ehtimalını istisna etməyib.
Şimali Atlantika Alyansı 2008-ci ilin aprelində Buxarestdə keçirilən sammitdə “Ukrayna və Gürcüstan nəhayət NATO-ya üzv olacaqlar” kimi siyasi bəyanat qəbul edib. 2019-cu ilin fevralında Ukrayna Ali Radası ölkənin alyansa qoşulmaq istəyini gücləndirən ölkə konstitusiyasına dəyişiklikləri təsdiqləyib. Kiyev genişləndirilmiş imkanlarla təşkilatın tərəfdaşı statusu alıb.
Daha əvvəl xəbər verilmişdi ki, Angela Merkel “Die Zeit” qəzeti ilə söhbətində Minsk razılaşmalarının Ukraynaya güc toplamaq üçün vaxt udmaq məqsədilə imzalandığını bildirib. Siyasətçinin sözlərinə görə, sazişlərdə iştirak edən bütün ölkələr başa düşdülər ki, onlar yalnız münaqişəni dayandırıblar, lakin problemin özü həll olunmayıb.
