“Apple” istifadəçiləri kriptovalyuta ilə ödəniş etməyə imkan verən “BitPay” kartından tezliklə istifadə edə biləcəklər. Tezliklə “SamsungPay” və “GooglePay” istifadəçiləri də eyni seçimdən yayarlana biləcəklər.
Bu barədə “Yeni Gündəm” “BitPay”in saytına istinadən xəbər verir.
Şirkətdə bildiriblər ki, istifadəçilər “ApplePay”ə “BitPay” kartını əlavə etmək imkanı əldə edəcək. Bu kart bitkoin, Ethereum, Bitcoin Cash və dollarla əlaqəli dörd steyblkoin kimi kriptovalyutaları dəstəkləyir.
“BitPay” nümayəndələri “SamsungPay” və “GooglePay” istifadəçilərinin də cari rübün sonunda onların sisteminə daxil ola biləcəyini vəd ediblər.
