Avstraliyanın ən yaşlı adamı- 111 yaşlı Dekster Kruger uzunömürlü olmasını toyuq beyni yeməsi ilə əsaslandırıb.
Abc.net.au xəbər verir ki, Krugerin 74 yaşlı oğlu Qreq də atasının şəhərdən uzaqda yaşamasının uzunömürlü olmasında böyük rol oynadığını deyib.
Fermer olan Kruger bildirib ki, davamlı olaraq toyuq beyni yeyib.
Onun məskunlaşdığı qocalar evinin direktoru Melaniya Kalvertin sözlərinə görə, Krugerin yaddaşı hələ də yaxşı vəziyyətdədir:
“111 yaşlı bir insan üçün inanılmaz yaddaş var”.
Avstraliyanın ən yaşlı insanı Kristina Kuk 2002-ci ildə 114 yaşında ölüb.
