UEFA-nın 2019-cu illə bağlı hesabatı dərc olunub. “Yenin Gündem” xəbər verir ki, siyahıdakı Avropa ölkələri yüksək liqadakı komanda sayına əsasən sıralanıb.
8 komandalı Azərbaycan Premyer Liqası sonuncu “dördlük”dədir. Çempionatımız Andorra, Litva və Moldova ilə eyni – ən aşağı göstəriciyə malikdir. Rekordçu isə 20 komandalı çempionata malik İtaliya, İspaniya, İngiltərə və Fransadan ibarət “dördlük”dür.
San-Marino (15) və Latviya (9) tək sayda komandaya malik olan çempionatlardır. Digərlərində bu rəqəm cütdür.
Maraqlıdır ki, Avropanın 54 ölkəsindəki liqalar 10 müxtəlif formatla keçirilir. Azərbaycan 4 dövrəlik dairəvi sistemdən istifadə edən 12 liqadan biridir. Albaniya, Xorvatiya, Estoniya, Gürcüstan, İrlandiya, Latviya, Moldova, Şimali Makedoniya, Monteneqro, Sloveniya və İsveçrədə də eyni formatdır.
Ən çox istifadə olunan isə 2 dövrəli dairəvi sistemdir. 15 liqa bu varianta üstünlük verib.
