“Dəfələrlə bildirmişəm ki, İran Ermənistan və Rusiya ilə yaxın münasibəti və xüsusilə Avropada neft və qaz satışı ilə bağlı rəqabətinə görə bu hadisələri qızışdıran təcavüzkarlardan biridir”.
Bunu Milli.Az-a açıqlamasında amerikalı analitik İrina Tsukerman deyib.
Amerikalı siyasi şərhçi bildirib ki, Azərbaycanın Avropa İttifaqı arasında isti münasibətlərə xələl gətirməyə çalışırlar:
“Ukraynada böyük hərbi çətinliklərlə üzləşən Rusiya da, çox güman ki, diqqəti yayındırmaq istəyirdi, hətta təkbaşına Bakıya açıq hücum etməsə belə, “sülhməramlı” üçün rəğbətin artmasına çalışır. Ermənistan silahlı bölmələrinin Azərbaycan mövqelərinə bu hücumun vaxtı bundan daha əlverişli ola bilməzdi.
Bu, həm də İranın ABŞ-la nüvə danışıqlarının uğursuzluğu zamanı baş verir. ABŞ özünü “hər iki tərəfi” təmkin nümayiş etdirməyə çağıran qeyri-müəyyən bəyanatlar vermək məcburiyyətindədir, bu, həm münaqişəyə qarışmaq istəməmək, həm də günahı bir aktora həvalə etmək istəmədiyi üçün diplomatik gedişdir. Çünki bu, bəzi digər siyasi maraqlara zərər verə bilər, bu halda nüvə danışıqlarını daha da sarsıda bilər (ən azı administrasiyanın fikrincə).
Çox güman ki, bu insident fürsətçi idi, lakin biz artıq bu sərhəd təxribatları və hücumları ilə Azərbaycanın Londondakı səfirliyinə son hücum və ya Ukraynadakı müxtəlif hadisələr kimi digər beynəlxalq hadisələr arasında əlaqəni görmüşük. Görünən odur ki, erməni hərbçiləri böyük dövlətlərin göstərişi ilə Azərbaycana hücum etmək üçün piyada kimi silahlanır.
Və bu hücumların siyasi elementi də var – Rusiyanın qazı kəsməsi səbəbindən Avropanın tarixin ən sərt qışlarından biri ilə üzləşməsinə baxmayaraq, Azərbaycan qazını rədd etməyə çağıran parlamentarilər qrupu, Ermənistana dəstək verən qrupdur. Rusiya və İranın Aİ-dəki maraqları, onların narahatlığı öz seçicilərinin rifahına yox, Rusiya və İranla sövdələşmələrə sərmayə qoyan və ya potensial fayda əldə edən siyasi dəstəkçiləri və şirkətləri ilə bağlıdır.
Xüsusən də bu ölkələrin bəzilərində siyasi partiyalarına böyük donor olan və ya müxtəlif yollarla başqa təsirə malik əhəmiyyətli erməni diasporlarının olduğunu nəzərə alsaq, bu səbəbdən onlar Ermənistanın hərbi cinayətlərinə və insan haqlarının pozulmasına göz yummağa üstünlük verirlər”.
