Azərbaycanlı din xadimi İraq şiələrinin yeni lideri ola bilərbackend

Miliyyətcə azərbaycanlı din xadimi İraq şiələrinin yeni lideri ola bilər.

“Yeni Gündəm” xəbər verir ki, bu barədə məlumatı Türkiyənin dini “Yeni akit” nəşri yayıb.

Sözügedən şəxs 72 yaşlı Məhəmməd Bəkir əl-İrəvanidir.

İraqın Nəcəf şəhərində dini lider Məhəmməd Səid al-Hakimin dünyasını dəyişməsi, həmçinin şiələrin hazırki lideri Əli Sistaninin 91 yaşında olması isə dini hərəkata kimin rəhbərlik edəcəyi məsələsini müzakirə mövzusuna çevirib.

Azərbaycanlı Məhəmməd Bəkir əl-İrəvani İraq şiələrinin yeni lideri vəzifəsinə ən mümkün namizəd hesab olunur.

Əl-İrəvaninin ailəsi Nəcəfdə çox məşhur və nüfuzlu ailə hesab olunur. Azərbaycanlı ailə İrəvan şəhərinin 1820-ci ildə rusların əlinə keçməsindən sonra Nəcəf şəhərinə köçüb.

Məhəmməd Bəkir əl-İrəvani Azərbaycan dilini və Türkiyə türkcəsini bilir və Nəcəfdə vaxtaşırı bu dillərdə mərsiyələr oxuyur.