ATV telekanalının operatoru Ramin Şahbazov “Azərsu” Açıq Səhmdar Cəmiyyətinin mətbuat xidmətinin rəhbəri Anar Cəbrayıllının təhdidlərinə məruz qaldığını iddia edib.
“Yeni Gündəm”-in xəbərinə görə, R.Şahbazov bu barədə sosial şəbəkədə məlumat yayıb.
“Anar Cəbrayıllı “Facebook”da paylaşdığım statusa görə mənə zəng vurub hədə-qorxu gəlib. Ağzına gələni danışmaqdansa, suyumuzu çəkin” – R.Şahbazov yazıb.
A.Cəbrayıllı isə R.Şahbazovun yalan danışdığını qeyd edib: “Özünə bir az hörmət elə. Demişəm, qarğış eləmə. Ev tikəndə “Azərsu”dan texniki şərt almışdın, sənə söz verilmşdi ki, nə vaxt su çəkiləcək? Rəsmi müraciət elə, rəsmi cavab al. Həftə 8, mən 9 qarğışlı statuslarına məni tağ eləmə. Ayıbdır.”
