Azərbaycan hərbçiləri Azıx mağarasından görüntülər çəkiblər.
“Yeni Gündəm” xəbər verir ki, bu barədə sosial şəbəkədə video yayılıb.
Videoçəkilişi aparan hərbçi mağara daxilində ermənilərin tikinti-qazıntı işləri ilə məşğul olduqlarını nümayiş etdirib.
Məlumat üçün qeyd edək ki, Azıx mağarası eyniadlı kəndin yaxınlığında yerləşir. Ermənistan silahlı qüvvələri bu kəndi 1993-cü ildə işğal etmişdi. Noyabrın 9-da isə Azərbaycan Prezidenti İlham Əliyev Azərbaycan Ordusunun Xocavənd rayonunun Azıx kəndini işğaldan azad etdiyini açıqlayıb.
