Bakıda fəhlə “KamAZ”ın altında qalıb öldübackend

Bakıda bədbəxt hadisə nəticəsində bir nəfər ölüb.

“Yeni Gündəm”in verdiyi xəbərə görə, hadisə Binəqədi rayonu, Binəqədi qəsəbəsində yerləşən qara metal qırıntılarının qəbulu məntəqəsində baş verib.

Orada fəhlə işləyən, 1977-ci il təvəllüdlü Zaur Səlimov metal qırıntılarının yükləndiyi “KamAZ” markalı avtomobilin altında qalaraq ölüb. Həmin zaman yük maşını 1973-cü il təvəllüdlü Eldar Nəcəfov tərəfindən idarə olunub.

Polis və prokurorluq əməkdaşları tərəfindən hadisə yerinə və meyitə baxış keçirilib. Faktla bağlı cinayət işi başlanılıb, istintaq aparılır.