Beynəlxalq Oftalmoloji Konfrans və Azərbaycan Gənc Oftalmoloqlarının Beynəlxalq konfransı keçirildi – FOTObackend

14-15 oktyabr 2022-ci il tarixdə Azərbaycan Respublikası Səhiyyə Nazirliyi, Akad. Zərifə Əliyeva adına Milli Oftalmologiya Mərkəzi, Türk Cumhuriyyətləri Oftalmoloji Dərnəyi və Azərbaycan Oftalmoloqlar Cəmiyyətinin birgə təşəbbüsü ilə Beynəlxalq Oftalmoloji Konfrans və Azərbaycan Gənc Oftalmoloqlarının 14-cü Beynəlxalq konfransı keçirildi.

“Yeni Gundem” xəbər verir ki, konfransın məqsədi oftalmologiya sahəsində baş verən yenilikləri, nailiyyətləri araşdırmaq, təkliflər vermək, oftalmologiya sahəsində baş verən ən son yeniliklərdə region və xarici həkimlərinin iştirakını təmin etmək, həmçinin oftalmologiyanın beynəlxalq standartlara çatdırılmasından ibarət idi.

AOC-un sədri Prof. Elmar Qasımov giriş sözü ilə konfransı açıq elan etdi.

Daha sonra Prof. Öner Gelişken, Op. Dr. Sunay Duman, Prof. Süleyman Kaynak və Prof. Mukharram Bikbov çıxış etdilər.

Konfransda Bakı və regionun həkim heyəti, həmçinin xaricdən həkim heyəti öz məruzələri ilə çıxış etdi.

Konfransda çıxışçılar tərəfindən “Analysis of the main causes of the development of posttraumatic proliferative vitreoretinopathy”, “Ocular axial length changes in pseudophakic children after cataract surgery”, “Regional features of urgent and emergency appeals at the thırd stage of ophthalmologgcal care”, “Use of the Avedro KXL system in the corneal cross-linking technique”, “Retinal detachment in pediatric population”, “Basic principles for Lamellar Corneal Transplantation” və s. mövzular məruzə edildi.

Konfransda Türkiyədən: Prof. Dr .Orhan Ateş, Prof. Uğur Emrah Altıparmak, Prof. Dr. Nurten Ünlü, Prof. Dr. Fatih Mehmet Mutlu, Prof. Dr. Gürsel Yılmaz, Prof. Zuleyha Yalnız Akkaya və s., Başqırdıstandan: Dr. Emin Usubov, Dr. Giulli Kazakbaeva və s.,
Qırğızıstandan: Dr.Asizbek Eshmambetov, Özbəkistandan: Prof. Dr. Fazilat Bakhritdinova , Prof. Buzrukov B.T. və s., Qazaxıstandan:
Dr. Zhomart Junusbekov və s., Rusiyadan: Prof. Dr. Sevinç Asgerova, KKTC: Şerife Özhuy, Dr. Adil Özyılkan və s. professorlar, həkimlər və rezidentlər iştirak etdi.