Avropa İttifaqının 27 üzvü bu həftə Ukraynaya rəsmi olaraq namizəd statusu verməyi planlaşdırır. Bazar ertəsi Aİ səfirlərinin iclasında heç kim qərara etiraz etməyib.
“Yeni Gündəm” bu barədə “Bloomberg”ə istinadən xəbər verir.
Bildirilir ki, ilkin olaraq müəyyən əlavə şərtləri yerinə yetirəcəyi təqdirdə Gürcüstanla yanaşı Moldovaya da namizəd statusunun verilməsi ilə bağlı qərarın təsdiqlənməsi gözlənilir. Bu, öz siyasi gələcəyinin böyük hissəsini Avropa ilə daha sıx əlaqələrə sərmayə qoyan Ukrayna üçün xüsusilə vacibdir, çünki o, Rusiyanın təcavüzünə qarşı çıxmaq üçün mənəvi dəstək axtarır.
Xatırladaq ki, Aİ liderləri iyunun 23-24-də Brüsseldə görüşəcək.
Qeyd edək ki, fevralın 28-də prezident Vladimir Zelenski Ukraynanın Avropa İttifaqına üzvlük ərizəsini imzalayıb. İyunun 17-də Avropa Komissiyasının sədri Ursula fon der Leyen AK Avropa Şurasına Ukraynaya Avropa perspektivi və Aİ-yə namizəd statusu verməyi tövsiyə edib.
