Qırğızıstanın Mədəniyyət, İnformasiya, İdman və Gənclər Siyasəti Nazirliyi bütün dövlətə məxsus regional qəzetlərin ləğvi haqqında fərman hazırlayıb .
“Yeni Gundem” Qırğızıstan mətbuatına istinadən xəbər verir ki, agentlik müvafiq sənədi aprelin 11-dək davam edəcək ictimai müzakirəyə çıxarıb.
Qeyd olunur ki, bu gün bütün regional qəzetlərdə 228 işçi çalışır ki, onların əmək haqqı illik 105 milyon qırğız sumundan (1,2 milyon dollar) çoxdur.
Eyni zamanda, heç bir nəşrin özünü təmin edə bilməməsi, son nəticədə büdcə vəsaitlərinin səmərəsiz xərclənməsinə gətirib çıxarır, Mədəniyyət Nazirliyi iddia edir.
Təşəbbüs müəlliflərinin sözlərinə görə, rayon qəzetləri həftədə bir dəfə 1000-2000 tirajla nəşr olunur və rayon əhalisini tam təmin etmək iqtidarında deyil. Qırğızıstanlılar mobil internet, televiziya və radio vasitəsilə məlumat almağa üstünlük verdiyindən, çap nəşrlərinə tələbat azalıb.
Bütün bunlar rayon qəzetlərinin redaksiyalarının fəaliyyətinin dayandırılması ilə bağlı qərarın qəbul edilməsinə səbəb olub.
Mədəniyyət Nazirliyindən bildirilib ki, qərar layihəsi regional kütləvi informasiya vasitələri tərəfindən həyata keçirilən dövlət informasiya siyasətinin təkmilləşdirilməsi məqsədilə hazırlanıb.
2017-ci ildə Qırğızıstan hökuməti regional mətbuatda islahatlar aparmağa çalışıb. O cümlədən, dövlət kütləvi informasiya vasitələrinin bazasında hər bir rayonda media mərkəzinin yaradılması nəzərdə tutulurdu. Lakin rayon qəzetlərinin rəhbərləri dəyişikliklərə qarşı çıxıb, prezidentə müraciət ünvanlayıblar.
2018-ci ildə regional mediaya 148 milyon qırğız sumunun (2,1 milyon dollar) xərcləndiyi bildirilir. 34 rayon və 12 rayon qəzeti, o cümlədən 6 rayon televiziyası dövlət hesabına maliyyələşdirilib.
2019-cu ilin iyulunda Qırğızıstan hökuməti ölkədəki bütün rayon qəzetlərinin maliyyələşdirilməsini dayandırmaq niyyətində olduğunu bəyan edib.
Fərahim Rəhimov
