Bu şəxslərə müddətli əlavələr ödənildibackend

Koronavirus pandemiyası ilə mübarizədə iştirak edənlərə 2022-ci ilin may- iyul ayları üzrə 492 min manata yaxın müddətli əlavə ödənilib.

İcbari Tibbi Sığorta üzrə Dövlət Agentliyindən verilən xəbərə görə, Azərbaycan Respublikası Prezidentinin müvafiq sərəncamına və Nazirlər Kabinetinin müvafiq qərar və sərəncamlarına uyğun olaraq İcbari Tibbi Sığorta üzrə Dövlət Agentliyi (Agentlik) tərəfindən 2022-ci ilin may – iyul ayları üzrə yeni növ koronavirus infeksiyası ilə mübarizə tədbirlərində iştirak edən tibb işçilərinə iş vaxtına/saatına mütənasib olaraq təxminən 448 min manata yaxın, qeyri-tibb işçilərinə isə 44 min manata yaxın müddətli əlavə ödənilib.

Tibb və qeyri-tibb tibb işçilərinə ödənilən müddətli əlavələrin məbləği aşağıdakı kimidir:

Qeyd edək ki, dövlət tibb müəssisələri tərəfindən göndərilən siyahılara uyğun olaraq Agentlik tərəfindən iyun və iyul ayları üzrə müddətli əlavələrin ödənilməsi davam edir.

Məlumat üçün bildirək ki, Azərbaycan Respublikası Nazirlər Kabinetinin 03 avqust 2022-ci il tarixli 275 nömrəli Qərarına əsasən yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin əməkhaqlarına müddətli əlavələrin ödənilməsi 2022-ci il sentyabrın 1-dək uzadılıb.

Aylar Dövlət tibb müəssisələri üzrə Cəmi
Tibb işçiləri Qeyri-tibb işçiləri
May 237 868,70 AZN

(1 107 nəfər)

21 921,72 AZN

(386 nəfər)

259 790,42 AZN

(1 493 nəfər)

İyun 82 640,16 AZN

(385 nəfər)

8 316,73 AZN

(56 nəfər)

90 956,89 AZN

(441 nəfər)

İyul 127 352,85 AZN

(438 nəfər)

13 380,51 AZN

(104 nəfər)

140 733,36 AZN

(542 nəfər)

CƏMİ: 447 861,71 AZN

(1 930 nəfər)

 

43 618,96 AZN

(546 nəfər)

 

491 480,67 AZN

(2 476 nəfər)