(UİMBİR) Beynəlxalq İnternet Media və Kommunikasiya Nəşriyyatlarının prezidenti Serdar Akyol Azərbaycan Cümhuriyyətinin 104-cü ildönümü münasibətilə təbrik məktubu yayıb.
(UİMBİR) prezidenti Akyol mesajında bildirib ki, Azərbaycan Cümhuriyyəti 1918-ci il mayın 28-də elan edilib.
“Mayın 28-i əziz Azərbaycan Cümhuriyyətinin yaranmasının 104-cü ildönümüdür, Azərbaycan qardaş ölkədir, bizim qardaşımızdır, əkiz qardaşımızdır, əziz dostumuzdur. 1917-ci ildə rus və erməni işğalı altında olan Azərbaycanda 40 min Azərbaycan türkü qətlə yetirilib. 1918-ci il martın 31-də təkcə Bakıda 17 min türk qətlə yetirildi.
Azərbaycan Respublikasının müstəqilliyi 1918-ci il mayın 28-də Gürcüstanın Tbilisi şəhərində Mehmet Emin Rəsulzadənin sədrliyi ilə keçirilən Azərbaycan Milli Şurası tərəfindən elan edilib. Bakı erməni və bolşevik quldur dəstələrinin işğalı altında olduğundan Fəthəli xan Hoyskinin rəhbərliyi ilə yaradılmış müvəqqəti Azərbaycan hökuməti bir müddət Gəncə şəhərində fəaliyyətini davam etdirdi.
Azərbaycanın müstəqilliyini ilk tanıyan Osmanlı İmperiyası oldu. İki dövlət arasında bağlanan müqavilə çərçivəsində Nuri Paşanın (Killigil) komandanlığı ilə Qafqaz İslam Ordusu artan erməni və bolşevik təhdidlərinə qarşı köməyə gəldi. O, 1918-ci il sentyabrın 15-də Göyçay, Salyan, Ağsu və Kürdəmiri bolşevik qoşunlarından və erməni quldur dəstələrindən təmizləyərək Bakını azad etdi. Qafqaz İslam Ordusu Bakının azad edilməsi uğrunda gedən döyüşlərdə 1130 şəhid verib.
Şərqin ilk demokratik respublikası sayılan Azərbaycanda qısa müddətdə təhsil, dini etiqad və vicdan azadlığı sahəsində islahatlar aparılıb, ölkənin öz pul vahidi dövriyyəyə buraxılıb.
Respublikanın “İstiqlal Bəyannaməsi”ndə irqindən, dinindən, məzhəbindən və cinsindən asılı olmayaraq bütün vətəndaşlara bərabər hüquqlar verilmişdir. Azərbaycan 1920-ci il aprelin 28-də Sovet İttifaqı tərəfindən işğal olunsa da, Sovetlər İttifaqı dağıldıqdan sonra Azərbaycan 1991-ci ildə müstəqilliyini bərpa edib. 1991-ci ildən 28 May Azərbaycanda Müstəqillik və Respublika Günü kimi qeyd olunur.
Türkiyə Cümhuriyyətinin qurucusu Qazi Mustafa Kamal Atatürk “Azərbaycanın sevinci sevincimiz, kədəri kədərimizdir” deyərək qardaşlığımızın əhəmiyyətini vurğulamışdır. Azərbaycanlı qardaşlarımızın, dostlarımızın, dövlət idarəçilərinin 104-cü ildönümü münasibəti ilə Respublika Gününü təbrik edir, sonsuz salamlarımızı, sevgi və hörmətimizi bildirirəm”.
Serdar AKYOL
(UIMBIR) Beynəlxalq İnternet Media və Kommunikasiya Nəşriyyatının prezidenti
