Hazırda planetimizin ətrafında fırlanan qeyri-adi bir obyekt var – alətlər çantası. Astronavtlar kosmosda gəzinti zamanı onu əldən verdilər.
Orbitdə gülməli hadisə baş verib. Noyabrın əvvəlində NASA astronavtları Jasmine Moghbeli və Loral O’Hara ISS xaricində tapşırıqları yerinə yetirmək üçün kosmosda gəzinti həyata keçiriblər.
Belə ki, işçilər işləyərkən əllərindəki alətlər çantasını unudublar. Onun yoxa çıxdığını görəndə o, artıq əlçatmaz olub.
İndi çanta kiçik bir peyk kimi Yer ətrafında fırlanır. Earth Sky-nin məlumatına görə, o, +6 ballıq obyekt kimi kataloqa salınıb. O, ISS-in yaxınlığında, kosmik stansiyadan təxminən bir dəqiqə qabaq uçur. Əşyanın uçuş sürəti saatda 28.000 kilometrə çatır. Deyirlər ki, düzgün baxmağı bilsən, çanta gecə səmasında adi gözlə görünəcək. Bəzi həvəskar astronomlar onu durbin və ya ev teleskopundan istifadə edərək görməyə çalışıblar.
Bu, astronavtların kosmosda gəzinti zamanı alətlərini itirdikləri ilk hal deyil. 2009-cu ildə Yer atmosferində oxşar alətlər çantası yanmışdı. Bundan əvvəl o, təxminən 9 ay kosmosda olub.
Mənbə: mail.ru
Aynur Camal
