Çin Xalq Respublikası 2023 -cü ilin yanvarın 8-dən sonra ölkəyə səfər edənlər üçün karantin şərtlərini aradan qaldıracaq.
“Yeni Gundem” xəbər verir ki, məlumatı Milli Məclisin deputatı, iqtisadçı Vüqar Bayramov paylaşıb.
“Çin yanvarın 8-dən etibarən ölkəyə səfər edənlər üçün karantin şərtlərini aradan qaldıracaq. Həmin tarixdən sonra Çinə səfər edənlər karantinə alınmayacaqlar. İqtisadi təsirlərinin minimumlaşdırılması məqsədi ilə Çin “Sıfır KOVİD” prinsipindən, praktik olaraq, əl çəkir. Səfərdən 48 saat öncə neqativ KOVİD test nəticəsi olan xaricilər heç bir əlavə tələb olmadan Çinə səfər edə biləcəklər.Çinin bu addımı bir tərəfdən strateji məhsullara, o cümlədən neftə olan tələbin artmasına səbəb olmaqla 2023-cü ildə qlobal iqtisadi artımı stimullaşdıracaq. Bu isə qlobal iqtisadiyyat üçün xoş xəbər hesab olunur.Çin ilə Azərbaycanın əsas ticarət tərəfdaşlarından hesab olunur. Ötən il ticarət dövriyyəmiz 1.7 milyard dollardan çox olub. Bu isə o deməkdir ki, Çində sərt karantin qaydalarının aradan qaldırılması Azərbaycan vətəndaşlarının, xüsusən də sahibkarların da səfərlərinə təsirsiz ötüşməyəcək.”-deyə deputat vurğulayıb.
Fərahim RƏHİMOV
