“Avropaçılığı, ateistliyi, müsəlmanlığı, Amerikaçılığı, cəbhəçiliyi, Yapçılığı, Müsavatçılığı, regionçuluğu, bütöv və yarımçıq Azərbaycançılığı əksər hallarda bütpərəst formasında yaşayan xalqımızın zavallı insanları. Daha bir bütünüz sındı. Bəxtiyar olun! Gənclərimiz, orta nəslin insanları, sizlərə deyirəm, siyasi, ictimai, dini, ədəbi-bədii və başqa dələduzların dalınca çox da sürətlə getməyin, kimsəni bütə çevirməyin, hər sözü, hər fikri zamana və məkana görə təftiş edin, Vətən sevgisini saxta pafoslu vətənpərvərlikdən ayırın”.
“Yeni Gundem”-in xəbərinə görə, bunu deputat Fazil Mustafa bildirib.
“Kimlərinsə bundan bəxtiyar görünməsinə aldanmayın, qalıcı olan hansı platformada olursa-olsun bu millətin, bu dövlətin faydası üçün səmimi çalışmaqdır”, – F.Mustafa qeyd edib.