Azərbaycanlı hüquq müdafiəçisi Dilarə Əfəndiyeva 20 ilə yaxındır Qarabağda yaşayan Rusiya Federasiyası vətəndaşı, milliyyətcə erməni ilə telefon danışığı aparıb.
“Yeni Gundem” xəbər verir ki, bununla bağlı Əfəndiyeva Rusiya mediasına müsahibəsində bunu deyib.
“Məlum səbəblərdən ona qarşı hansısa təzyiq, qınama və hətta dəstə qalıqları tərəfindən təqib olunmamaq üçün onun adını açıqlamıram. Bu yaşlı qadın çətin vəziyyətdə qalıb. 20 il ərzində o, mütəmadi olaraq kommunal ödənişlər və s. ödəyirdi, lakin indi separatçılar onun Rusiya vətəndaşı olduğunu deyərək ona yemək pulu verməkdən imtina ediblər. Deyirlər ki, öz vətəndaşları üçün kifayət qədər məhsul yoxdur, ona görə də rusiyalıları yedizdirə bilmirlər.Fərziyyələr var, çünki Azərbaycan tərəfində yük maşınları ilə Qarabağa daşınan yüklərin həcmi ilə bağlı bütün məlumatlar var və rəqəmlər göstərir ki, Vardanyanın dəstələri süni şəkildə ərzaq qıtlığı yaradır. Onun qurbanlarından biri, gördüyümüz kimi, Rusiya vətəndaşıdır.O, faktiki olaraq Azərbaycan ərazisində qeyri-qanuni yaşamasına baxmayaraq, təbii ki, məsələnin humanitar tərəfini nəzərə alsaq, biz onun problemini başa düşdük. Mən Rusiya sülhməramlı qüvvələrinin komandanlığına müraciət etmək niyyətindəyəm. Mən Rusiya sülhməramlılarından xahiş edəcəyəm ki, qadına kömək etsinlər və Azərbaycanın yardım göstərməsi prosesini asanlaşdırsınlar”.
Hüquq müdafiəçisi əlavə edib ki, Qarabağ ermənilərinin müraciətləri üçün +994 70 277 99 11 qaynar xətt yaradılıb.
“Mütəmadi olaraq müxtəlif müraciətlər, o cümlədən onların Qarabağa qaytarılmasını təmin etmək üçün müraciətlər daxil olur. Mən onlara kömək etmək üçün əlimdən gələni edirəm”, – deyə o qeyd edib.
Fərahim Rəhimov
