Daxili İşlər Nazirliyinin mətbuat xidmətinin rəisi Elşad Hacıyev Respublika üzrə Daxili İşlər Nazirliyinin dekabrın 21-də aşkarladığı cinayət hadisələrini açıqlayıb.
“Yeni Gundem” xəbər verir ki,dekabrın 21-də ölkə ərazisində qeydə alınan 25, əvvəlki dövrlərdən bağlı qalan 27 cinayətin açılması daxili işlər orqanlarının əməkdaşları tərəfindən təmin olunub.
Axtarışda olduğuna görə ümumilikdə 119, o cümlədən borclu şəxs qismində axtarışda olan 97 nəfər saxlanılaraq aidiyyəti üzrə təhvil verilib.
Respublikanın avtomobil yollarında ölümlə nəticələnən 1 yol-nəqliyyat hadisəsi baş verib, nəticədə 2 nəfər ölüb.
Narkotiklərlə əlaqəli 14 fakt müəyyən edilib.Cinayət törətməkdə şübhəli bilinən 38 nəfər saxlanılıb.
Fərahim RƏHİMOV
