Bir zamanların məşhur ismi, türkiyəli model Bilun Dohmen çətin günlərini yaşayır.
“Yeni Gündəm” xəbər verir ki, bir zamanların məşhur modeli olan Bilun Dohmen 8 il öncə şəhərdən kəndə köçərək özü üçün kiçik biznes qurmuşdu. Lakin modelin yaşadığı kənddə qurduğu biznes uğurlu olmayıb. Həmçinin məşhur model dələduzların qurbanı olub. İki dəfə evi soyulan modelin bu soyğun zamanı külli miqdarda pulu və qızıl-zinət əşyaları oğurlanıb.
Avropada və Türkiyədəki çoxsaylı məşhur moda nümayişinə qatılan Bilun Dohmen, 8 il əvvəl Bodrumda köçdüyü Gündoğan Məhəlləsində səfalət içərisində yaşayır. Modelin banklara külli miqdarda borcu var. Onun hal-hazırda yaşadığı evi belə banka məxsusdur.
