Dünyada peyvənd olunanların sayı yoluxanların sayını keçdibackend

Dünya üzrə 104 milyondan çox insan koronavirusa qarşı peyvənd olunub. Bu rəqəm pandemiyanın başlanğıcından etibarən koronavirusa yoluxanların sayından çoxdur.

“Yeni Gündəm” xəbər verir ki, bu barədə “Bloomberg” nəşri hökumət saytları, mətbuat konfransları, açıq bəyanatlar və bir sıra digər mənbələrdən topladığı statistika əsasında məlumat verib.

Agentliyin məlumatına görə, epidemiyanın başlanğıcından etibarən dünyada 103,8 milyondan çox insan koronavirusa yoluxub. ABŞ-da virusa yoluxanların sayı 26 milyonu keçib, Hindistanda bu rəqəm 10 milyon, Braziliyada isə 9 milyon səviyyəsindədir.

Eyni zamanda, 66 ölkədə insanlara tətbiq olunan peyvənd dozalarının sayı 104 milyonu ötüb.

Agentliyin məlumatına görə, dünyada hər gün təxminən 4.22 milyon doza peyvənd tətbiq olunur. Bununla belə nəşrin məlumatına görə, bu templə belə qlobal səviyyədə kollektiv immunitetin yaranması üçün illər lazım olacaq.