Fransanın “Olimpik Marsel” klubunun sabiq müdafiəçisi, hazırda Marsel təmsilçisinin səfiri qismində fəaliyyət göstərən Bazil Boli yayada Kriştianu Ronaldu ilə əlaqə saxladıqlarını açıqlayıb.
“BeIN Sports” onun dediklərini belə çatdırıb:
“Bəli, Ronaldu ilə danışıq aparmışıq. Fikrimcə, Fransa çempionatına nələrsə vermək üçün “Olimpik”ə keçməyə dəyərdi. Düzdür, bir az qocalıb, amma hələ də Liqa 1-də rəqiblərinin ürəyinə qorxu salacaq gücdədir. Həm də o, Kriştianu Ronaldudur, brenddir axı”.
Xatırladaq ki, Ronaldu “Mançester Yunayted”dən ayrılandan sonra klubsuzdur.
fanat.az