Xəbər verdiyimiz kimi, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.
Müdafiə Nazirliyindən “Yeni Gundem”-ə verilən məlumata görə, genişmiqyaslı təxribatın qarşısı alınarkən Azərbaycan Ordusundan 42, Dövlət Sərhəd Xidmətindən isə 8 hərbi qulluqçu olmaqla ümumilikdə Silahlı Qüvvələrin 50 hərbi qulluqçusu şəhid olub.
Sosial şəbəkələrdə şəhidlərimizin bəzilərinin fotoları paylaşılıb. Onları təqdim edirik:
MAXE Babazadə Elşən Sahib Oğlu şəhid olub, Qəbələ rayonu, Mıxlıqovaq kəndi.
Qazax rayonu Kəmərli kəndi – şəhid Məmmədov Azər. Əldə etdiyimiz məlumata görə, o, 20 gün qabaq ailə həyatı qurubmuş.
Xızı rayon, Giləzi kəndi – Kapitan Saleh Qurbanov
Dövlət Sərhəd Xidmətinin Çevik Hərəkət Qüvvələrinin hərbi qulluqçusu, Naxçıvanın Kəngərli rayonu, Qıvraq qəsəbə sakini, 1994-cü il təvəllüd Fərid Kəmaləddin oğlu Mehbalıyev
Qazaxın Daş Salahlı kəndindən Gizir Kərimov Azad Zakir
Saatlı rayonu, Qara Nuru kənd sakini Nəsirov Ülvi
Lerik rayonun Əvilə kənd- 1995-ci il təvəllüdlü Sadıqov Şəmistan. O, iki ay öncə ailə həyatı qurubmuş
Quba rayonunun Vəlvələ kəndi – Ümid İlqar oğlu Həsənovdur.
İsmayıllı Rayon Talıstan kənd sakini – Bədəlov Cavidan Zaur oğlu
Cəlilabadın Əsədli kəndi – gizir Həsənov Səid Sarıbala oğlu. 44 günlük Vətən müharibəsində böyük şücaət göstərən S.Həsənov sağlığında “Döyüşdə fərqlənməyə görə”, “İgidliyə görə”, “Şuşanın azad olunmasına görə”, “Füzulinin azad olunmasına görə” və “Cəbrayılın azad olunmasına görə” medallarına layiq görülüb.
Lənkəran şəhər Nərimanabad qəsəbəsi – MAXE Əhədzadə Xəyal Əlövsət oğlu
Qaz rayon, Kəmərli kəndi – 1993-cü il təvəllüd, XTQ zabiti Yunis Qasım oğlu Kazımov
Qobustanın Sündü kəndi – 1997-ci il təvəllüd, XTQ giziri Vadim Alik oğlu Qocayev. Məlumata görə, şəhidimizin bir övladı Vətənə yadigar qalıb.
Xaçmaz Əbilyataq kənd sakini, 1989-cu il təvəllüd baş gizir Elnur Faid oğlu Rüstəmov. Mərhum 3 uşaq atası idi.
Leytenant Hümbətov Ravil Mübariz oğlu
