Beynəlxalq humanitar təşkilatlar Fələstinə “dərhal atəşkəs” elan etməyə çağırıblar.
“Yeni Gundem” xəbər verir ki, qurumlararası Daimi Komitə (IASC) hücumların miqyasını qeyd edib və onların “şok və dəhşət” içində olduğunu bildirib.
İsrailin Qəzzaya hücumları davam edərkən bir çox ölkədən və müxtəlif qeyri-hökumət təşkilatlarından “atəşkəs” çağırışları gəlir.
Birləşmiş Millətlər Təşkilatının (BMT) rəhbərlik etdiyi və humanitar yardım təşkilatlarının da olduğu Qurumlararası Daimi Komitə (IASC) İsrailin intensiv hücumlarına məruz qalan Fələstində “dərhal humanitar atəşkəs” çağırıb. IASC İsrailin Qəzzaya davam edən hücumları ilə bağlı yazılı açıqlama yayıb. Açıqlamada Qəzza əhalisinin hamısının mühasirədə olduğu və bu insanların əsas ehtiyaclara çıxışının qarşısının alındığı, bölgədəki evlərin, sığınacaqların, xəstəxanaların və ibadət yerlərinin bombalanmasının qəbuledilməz olduğu bildirilib.
Açıqlamada Qəzzada hər gün artan ölüm halları səbəbilə “şok və dəhşət” içində olduqları bildirilib və tərəflərə beynəlxalq insan haqları hüququ çərçivəsində bütün öhdəliklərinə hörmətlə yanaşma çağırışı təkrarlanıb. Bəyanatda, “Təcili humanitar atəşkəsə ehtiyacımız var. Artıq 30 gündür. Bəsdir. Bu, indi bitməlidir” – ifadələrdən istifadə olunub.
İsrail Qəzzadan həyata keçirilən hücumlarda 315-i əsgər olmaqla 1400-dən çox israillinin həlak olduğunu, 5132 nəfərin isə yaralandığını açıqlayıb. İsrailin məlumatına görə, Qəzza zolağında oktyabrın 31-dən bəri baş verən qarşıdurmalarda həlak olan əsgərlərin sayı 30-a yüksəlib, Qəssam Briqadaları isə 242 israilli məhbusu saxlayır. İşğal altındakı İordan çayının qərb sahilində bir İsrail əsgəri də həlak olub. Qəzzadakı Fələstin Səhiyyə Nazirliyinin məlumatına görə, İsrailin hücumları nəticəsində 4800-ü uşaq və 2550-si qadın olmaqla 9770 fələstinli həlak olub, ən azı 24000 nəfər isə yaralanıb. İsrail qüvvələri və yəhudi köçkünlər İordan çayının qərb sahilində və Qüdsdə 151 fələstinlini qətlə yetirib.
Xatırladaq ki, İsrail ordusu minlərlə yaralı və mülki vətəndaşın olduğu Qəzzanın ən böyük səhiyyə müəssisəsi olan Şifa xəstəxanasını, Nəsr Uşaq Xəstəxanasını, Əl-Ehli Baptist və Türk-Fələstin Dostluğu xəstəxanalarını, Qüds ətrafını və Fələstinlə əlaqəli İndoneziya xəstəxanalarını vurdu. Kızılay, evakuasiya etməyə məcbur edir. Hücumlarda yüzlərlə insan ölüb, yaralanıb. Oktyabrın 8-dən İsrail ordusu ilə Hizbullah arasında gedən qarşıdurmalarda 60 Hizbullah üzvü və 4 İsrail əsgəri həlak olub.
Mənbə: TGRT
Aynur Camal
