Türkiyədə fəaliyyət göstərən məşhur azərbaycanlı top model Günay Musayeva son zamanlar gözəlliyi ilə diqqətləri üzərinə çəkir.
“Yenigundem” xəbər verir ki, izləyiciləri üçün tez-tez qüsursuz görüntüsünü yayımlayan Musayeva türkiyəli dizayner Barış Avcının “Haute Couture” geyim brendi üçün yeni fotosessiyaya imza atıb. Məşhur türkiyəli fotoqraf Erman İştahlının kamerası önünə keçən Günay Musayeva öz ənənəsinə sadiq qalaraq cəsarətli pozalar verib. Qeyd edək ki, keçən ay Günay Musayeva azərbaycanlı dizayner Rüfət İsmayıl Nyu-York Moda Həftəsi çərçivəsində “Power of Fire” (“Alovun gücü”) adlı yeni kolleksiyasının əsas modeli qismində çıxış edib.
