Günel Mövlud: Gey iş yerinə zəng edib deyə bilərmi ki, “müdir, gələ bilməyəcəm, geyliyim tutub”?backend

Nə qədər ki, Taliban yenə harasa girməyib, heç kimin pornosu çıxmayıb, heç kimi küçədə öldürməyiblər, bir məsələ barədə geniş mülahizələrimi sizinlə bölüşüm.

Bu gün yağış yağır. Adətən, yağış vaxtı pəncərələri kip bağlayıb, evdəki havaqurudanı açıram və ancaq elə rahat nəfəs ala bilirəm, çünki bronxitim var. Bu gün unudub, pəncərələri açıq qoyduğuma görə nəfəs yollarım darmadağın oldu. Tez pəncərələri bağladım, havaqurudadnı açdım, oturub gözləyirəm ki, evin havasındakı nəmişlik sorulsun, adam kimi nəfəs ala bilim.

Bu vaxt, ağlıma bir şey gəldi. Səhifəmdəki LGBT ilə bağlı payıaşımlarda ən çox diqqətimi çəkən şərhlərdən biri də bu olur ki, “geylik-xəstəlikdir”. Bu varsayımı doğru hesab etsək, onda xeyli sual yaranır.

Yaxşı, geylik xəstəlikdirsə, necə xəstəlikdir? Bir dəfə gəlib-keçən xəstəlikdi, ya xroniki? Xronikidirsə, müalicəsi nədir? Məsələn, mən gedib həkimə bronxitimən şikayət edəndə, mənə aerozol yazır, alıb püskürdürəm boğazıma, keçir. Gedib həkimə gey olduğumu desəm, mənə nə yazmalıdır?

Geylik xəstəlikdirsə, onun remissiya vaxtı varmı? Triggerləri nədir? Məsələn, bronxit nəmişlikdən, diabet şəkərdən güclənirsə, geyliyi nə qıcıqlandırır? Krisiz vaxtında diabet xəstəsi “şəkərim qalxıb” deyirsə, gey də deyə bilərmi ki, “bu aralar pisəm, geyliyim qalxıb…”

Geylik xəstəlikdirsə və ölkədə pulsuz səhiyyə varsa, bu səhiyyə məsələn, diabet xəstələrinə pulsuz “Amaril” dərmanı verməlidirsə, onda məntiqlə geylərə nə verməlidir?

Geylər də gey olduqlarına görə, iş yerindən işverənin hesabına xəstəlik günləri ala bilərlərmi? Məsələn, bir gey iş yerinə zəng edib deyə bilərmi ki, “müdir, mən bir həftə işə gələ bilməyəcəm, geyliyim tutub”?

Günel Mövlud

Yazıçı