Yəməndə hökumət qüvvələri İrandan qayıdarkən Tehran dəstəkli husilərin yüksək rütbəli rəsmisi Həsən Əli əl-İmadı həbs edib.
“Yeni Gündəm” xəbər verir ki, bu haqda Əl-Ərəbiyyə telekanalı məlumat yayıb.
Yəmən sərhəd təhlükəsizliyi qüvvələri keçən həftə əl-Mahra əyalətindəki Şahn quru sərhəddində İran dəstəkli husilərin liderlərindən olan Həsən Əli əl-İmadı saxlayıb.
İrandan qayıdarkən saxlanılan İmadın Yəmənə girmək istədiyi və həbs edilərək Əl-Mehradakı bir təcridxanada saxlandığı qeyd olunur.
Həsən Əli əl-İmad husilərin nəzarət etdiyi Sanada fəaliyyət göstərən “Mustakbel əl-Adale” təşkilatının baş katibidir.
Uzun müddətdir ki, qeyri-sabitliyin hökm sürdüyü Yəməndə hökumət qüvvələri ilə İran dəstəkli husilər arasında savaş davam edir.