27 may tarixdə “Sağlamlığın Qorunması” ictimai birliyi Bakı Sağlamlıq Mərkəzində “İnsan sağlamlığını təhdid edən xəstəliklər barədə maarifləndirmənin keçirilməsi” adlı konfrans keçirib.
“Yeni Gündəm” xəbər verir ki, konfrans Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə həmçinin “Azərbaycan Qastroenteroloqlar və Hepatoloqlar” Asossasiyasının tərəfdaşlığı ilə keçirildi.
Tədbiri Bakı Sağlamlıq Mərkəzinin icraçı direktoru Asiman Həsənov açıq elan edərək “Sağlamlığın Qorunması” İB-nin maarifləndirmək məqsədilə həyata keçirdiyi layihənin aktuallığını vurğulayıb. Aidiyyəti qurumların bu cür tədbirlərin təşkili üçün verdiyi dəstəyə görə minnətdarlığını ifadə edib.
“Sağlamlığın Qorunması” ictimai birliyinin sədri, t.ü.f.d. Yazgül Abdıyeva qonaqları və iştirakçıları salamlayaraq tədbirin gedişatına uğurlar arzulayıb.
O qeyd edib ki, bizim əsas vəzifələrimizdən biri sağlam gəncliyi olan cəmiyyət formalaşdırmaqdan ibarətdir. O ölkəmizdə gənclərin inkişafı, maariflənməsi, üçün geniş imkanlar yaradılmasının vacibliyini vurğuladı. Həmçinin Yazgül Abdıyeva hepatit virusları arasında ən təhlükəli olan hepatit B virusununun gec aşkarlanmasının ölümcül təhlükəyə səbəb olmasından və bunun baş verməməsi üçün bu xəstəliyin əlamətlərini bilməli və maariflənmənin vacibliyindən söz açdı.
Daha sonra “Sağlam bəşəriyyətin təhdidi – Hepatit” adlı video çarx nümayiş etdirildi.
Konfransda Azərbaycan Qastroenteroloqlar və Hepatoloqlar” İB-nin sədri, t.ü.f.d. Gülnarə Ağayeva tərəfindən “Virusun yayılma yolları və diaqnostikası”, Qastroenteroloq-hepatoloq, dr Arzu Hüseynova tərəfindən “Viruslu hepatit B profilaktikası”, Qastroenteroloq-hepatoloq, dr. Rəqsanə Cəlilova tərəfindən “Viruslu hepatit B nin müalicəsi”, infeksionist, dr. Yusif Alxazov tərəfindən “Hepatit B virusu” mövzularında çıxışlar səsləndirildi.
Dr.Xıdırova Hicran və dr.Azər Nağıyev hepatitlə mübarizə haqqında maraqlı təkliflər verdilər.
Tədbirin zamanı iştirakçılara mövzuyla bağlı maarifləndirici bukletlər paylanılıb.
