İsmayıl Abdullayev işdən ayrıldıbackend

“İdman TV”nin tanınmış aparıcısı İsmayıl Abdullayev sözügedən telekanaldan ayrılıb.

“Yeni Gündəm” xəbər verir ki, şərhçinin işindən ayrılması öz istəyi ilə baş verməyib.

Ayrılığın telekanal daxilində baş verən problemlərdən qaynaqlandığı bildirilir. Yaxın günlərdə növbəti ayrılıqların baş verəcəyi isə istisna edilmir.

Qeyd edək ki, bir müddət öncə “İdman TV”nin daha bir tanınmış şərhçisi Ramiz Mirzəzadə işindən ayrılaraq “CBC Sport”a keçib. İsmayıl Abdullayev isə 11 ildir “İdman TV”nin uğurları üçün çalışırdı. //Qafqazinfo.az