İstanbul Ataşehirdə iki mərtəbəli idman zalında başlayan və 3 binaya sıçrayan yanğın qrupların 3 saatlıq müdaxiləsi nəticəsində nəzarət altına alınıb. İdman zalı tamamilə yanarkən, alovların yayıldığı binalar yararsız hala düşüb.Barbaros səmtindəki Kənt küçəsindəki binada naməlum səbəbdən yanğın baş verib.
“Yeni Gundem” xəbər verir ki, küləyin təsiri ilə qısa müddətdə böyüyən yanğın iş yerləri və mənzillər də daxil olmaqla bitişik 3 tikiliyə keçib.
Xəbərdarlıq üzərinə hadisə yerinə gedən yanğınsöndürmə qrupları 26 texnika və 83 canlı qüvvə ilə yanğına müdaxilə edib.
Bölgəyə sövq edilən polis qrupları ətrafda tədbir görərək yanğının baş verdiyi küçəyə gedən yolları bağlayıb.
Yanğın qrupların 3 saatlıq gərgin işindən sonra nəzarətə götürülüb. Yanğının başladığı idman zalı tamamilə yanarkən, alovun yayıldığı 4 bina yararsız hala düşüb.
