Klunilər ailəsi Navalnıya belə dəstək oldubackend

Dünyaca məşhur aktyor Corc Kluni və onun insan hüquqları üzrə vəkil xanımı Amal Rusiyada baş verənlərə reaksiya göstərib.

“Yeni Gündəm” xəbər verir ki, cütlük sosial şəbəkədə post paylaşaraq müxalif lider Aleksey Navalnının həbs olunmasından narahatlıqlarını ifadə ediblər. Həmçinin Navalnı ilə bağlı növbəti məhkəmə proseslərini izləyəcəklərini qeyd ediblər.

“Navalnı hazırda Avropa İnsan Hüquqları Məhkəməsinin əsassız olaraq təyin etdiyi və Rusiyanın müxalif liderə təzminat ödəməli olduğu bir hökm əsasında həbsdədir. Dəlillərlə birbaşa Putin rejimini göstərən Navalnının zəhərləndiyi və az qala ölməsini də qeyd edirik. Bu cinayət müstəqil olaraq araşdırılmalı və cinayətkarlar ən qısa müddətdə mühakimə olunmalıdır”,- deyə Klunilər bildirib.

Corc və Amaldan başqa Navalnını dəstəkləyən aktyor Mark Ruffalo da müxalif siyasətçinin sərbəst buraxılmasına dair paylaşım edib.

Xatırladaq ki, fevralın 2-si Moskvanın Simonovski şəhər məhkəməsi Navalnının “İv Roşe” işi üzrə şərti cəzasını ləğv edərək onu 3,5 illik həbs cəzası ilə əvəz etmişdi. Navalnının həbsi ümumi rejimli cəzaçəkmə müəssisəsində davam edəcək. Onun “İv Roşe” işi üzrə ev dustaqlığında keçirdiyi 1 il nəzərə alınaraq həbsxanada 2,5 il cəza çəkəcək.