Rusiyanın xarici işlər naziri Sergey Lavrov gələn həftə Türkiyə və Ermənistana səfər edəcək.
Bunu Rusiya Xarici İşlər Nazirliyinin sözçüsü Mariya Zaxarova bu gün keçirdiyi mətbuat konfransı zamanı bildirib.
O qeyd edib ki, Lavrovun Türkiyə rəsmiləri ilə görüşmək üçün iyunun 8-də Ankaraya işgüzar səfəri olacaq.
“Regional və beynəlxalq məsələlər, ilk növbədə Ukraynadakı mövcud vəziyyət, Suriya, Liviya, Qarabağdakı vəziyyət, Balkanlar, Əfqanıstan və Mərkəzi Asiyadakı vəziyyətlə bağlı fikir mübadiləsi aparılacaq”, – deyə o bildirib.
İyunun 10-da Sergey Lavrov İrəvanda KTMT Xarici İşlər Nazirləri Şurasının iclasında iştirak edəcək. O, həmçinin ikitərəfli görüşlər keçirəcək.
Publika.az