Bakıda qadını qətlə yetirən şəxsə irəli sürülən maddə ağırlaşdırılıb.
Bu barədə “Yeni Gündəm”-ə Baş Prokurorluğun Mətbuat Xidmətindən məlumat verilib.
Bildirilib ki, yanvarın 4-də Xətai rayonu ərazisində Nahidə Həsənovanın qəsdən öldürülməsi faktı ilə bağlı başlanan cinayət işi üzrə təqsirləndirilən şəxs Orxan Alıyevin əməli Cinayət Məcəlləsinin 120.1-ci (Qəsdən adam öldürmə) maddəsindən həmin Məcəllənin 120.2.4-cü ( xüsusi amansızlıqla və ya ümumi təhlükəli üsulla adam öldürmə) maddəsinə tövsif edilib.
Hazırda istintaq davam edir.
Qeyd edək ki, N.Həsənova əvvəllər “Lider” Televiziyasında texniki şöbədə işləyib.
