“Vladimir Putin əmindir ki, o, özünü Belarus prezidenti Lukaşenkonu Ukraynaya hücum etmək həddinə çatdırıb.
Lakin Lukaşenko müxtəlif vasitələrlə hücum anını gecikdirir”.
“Yeni Gündəm” xəbər verir ki, bunu TSN-ə müsahibəsində Ordu, Konversiya və Silahsızlaşdırma Mərkəzinin beynəlxalq məsələlər üzrə direktor müavini Mixail Samus deyib. Onun sözlərinə görə, Lukaşenko Putinə “xüsusi əməliyyata” qoşulacağına söz verib, lakin bu anı gecikdirir. Çünki anlayır ki, müharibəyə girmək onun siyasi və fiziki həyatında kritik bir məqamdır. “Əksər belaruslar bu müharibəni istəmirlər. Ruslardan danışanda vəziyyət başqadır.
Ruslar belaruslardan və ukraynalılardan zehni cəhətdən fərqlidirlər. Bəzi belaruslar həqiqətən sovet dövrünə meyl edirlər, lakin əksəriyyət bu müharibədə iştirak etmək istəmir. Əgər Lukaşenka sərhədi keçmək və hərbi əməliyyatlara başlamaq əmri verərsə, Ukrayna ordusu irəliləməyə başlayanda əks effekt yarana bilər”, – Mixail Samus vurğulayıb. Ekspert hesab edir ki, Belarus tərəfdən hərbi əməliyyatların başlaması dövlətin özündə üsyana səbəb ola bilər və Lukaşenko rejimininin məhv olma təhlükəsi yaranacaq. Xatırladaq ki, iyunun 16-da Ukrayna prezidenti Vladimir Zelenski Belarusla sərhədin dörd hissəsində müdafiəyə hazırlığın səviyyəsini yoxlamaq barədə göstəriş verib.
