Fövqəladə Hallar Nazirliyinin İstintaq İdarəsi Nazirlər Kabinetinə təqdim etdiyi hesabatda Ekologiya və Təbii Sərvətlər Nazirliyinin işçilərinin Azərbaycanda baş verən meşə yanğınlarda əli olması barədə ittiham irəli sürüb.
“Yeni Gündəm” xəbər verir ki, bu sözləri eko-aktivist Cavid Qara deyib.
C.Qara bildirib ki, FHN-nin İstintaq İdarəsinin hesabatına görə, meşə yanğınları ilə qırma sahələrinin əlaqəsi var: “Nazirlər Kabineti Prezidentə məruzə etmək üçün ETSN-dən hesabat istəyib. ETSN rəhbərliyindən isə tapşırıq belə olub – “O qədər uzun dəxlisiz bir hesabat hazırlayın ki, oxuyan olmasın”.
Səslənən iddialarla bağlı Ekologiya və Təbbi Sərvətlər Nazirliyinin mövqeyini öyrənməyə çalışdıq.
Qurumun mətbuat katibi İradə İbrahimova açıqlama verməkdən imtina etdi:Pravda.az
“Yalan, əsası olmayan, qərəzli və ən əsası ictimai rəyi çaşdıran belə məlumatları şərh etmək istəmirəm”.
