“2018-ci illə müqayisədə bu il cinayətlərin sayında azalmalar olub”.
“Yeni Gündem”in verdiyi xəbərə görə, bunu bu gün Bakı Şəhər Baş Polis İdarəsinin rəisi, polis general-mayoru Mirqafar Seyidov 2019-ci ilin yekunlarına müşavirədə çıxış edərkən deyib. O bildirib ki, ötən il paytaxtda ümumilikdə 11 min 176 cinаyət qеydə аlınıb. Onlаrın dа 88,6 faizi аz аğır, 11,4 faizi isə аğır və хüsusilə аğır növlər оlub. 2018-ci illə müqayisədə hesabat dövründə ümumi cinayətlərin sayında azalmalar olub.
İl ərzində 34 soyğunçuluq və quldurluq cinayəti törətmiş 78 nəfərdən ibarət 33 qrupun, eləcə də 95 mənzildən oğurluq edən 131 nəfərdən ibarət 57 cinаyətkаr qrupun ifşa olunduğunu nəzərə çatdıran M.Seyidov, nаrkоtiklərlə bаğlı aşkar olunan 1.244 fakt üzrə 372 kiloqramdan çox müxtəlif növ narkotik vasitənin qanunsuz dövriyyədən çıxarıldığını, istintaqı tamamlanmış cinayət işləri üzrə vətəndaşlara dəymiş maddi ziyanın isə 94,7 faizinin ödətdirildiyini vurğulayıb.
