ABŞ Dövlət Departamentinin sözçüsü Ned Prays Azərbaycan və Ermənistan arasındakı gərginliyə münasibət bildirib.
“Yeni Gundem” Dövlət Departamentinin saytına istinadən xəbər verir ki, Prays Bakı ilə İrəvan arasında sülhün təşviq edilməsində ABŞ-ın səylərinin nə dərəcədə təcili olduğu barədə sual verilib.
“Bu işdə hər zaman aktuallıq olub, çünki bu, həssas bir vəziyyətdir. Son günlər Qarabağ bölgəsində gördüklərimizi nəzərə alsaq, o, zorakılığa həddən artıq meyllidir və bu, uzun müddətdir davam edən münaqişədir. Birləşmiş Ştatlar onun həllini dəstəkləmək üçün mümkün olan hər şeyi etmək istərdi. Biz Ermənistan və Azərbaycanla ikitərəfli və üçtərəfli şəkildə işləmək, onların öz dialoq və diplomatiya səylərini dəstəkləmək və bu ölkələrin özlərinə diplomatiya aparmağa və razılıq əldə etmələrinə kömək etmək üçün bütün müvafiq mexanizmlərdən istifadə etməklə, ümid etdiyimiz kimi, bunu davam etdirəcəyik.”-o qeyd edib.
Fərahim Rəhimov
