“Baku Medical Plaza” klinikasında növbəti ölüm hadisəsi baş verib.
“Yeni Gündəm” xəbər verir ki, mayın 11-də 1996-cı il təvəllüdlü Turanə Musazadə klinikaya müraciət edərək xarici görünüşündən narazı olduğunu bildirib. O, müayinə edilərək əməliyyata alınıb.
Xəstə plastik cərrahiyyə əməliyyatı zamanı vəfat edib.
Hüquq-mühafizə orqanları tərəfindən meyitə baxış keçirilib, məhkəmə tibb ekspertizası təyin edilib. Məlumata görə, T.Musazadə bundan öncə də 2 dəfə plastik əməliyyat keçirib.
Faktla bağlı rayon prokurorluğunda araşdırma aparılır.
Yenicag.az-ın xəstənin yaxınlarından aldığı bilgiyə görə, əməliyyatı TV-lərdə “ulduz”a çevrilən iranlı həkim Sirus Qoçxani edib. Bu ölüm hadisəsi Sirus Qoçxaninin ilk hadisəsi deyil. Bundan öncə də, onun səhvi ucbatından ölüm hadisəsi baş verib. 22 yaşlı model Leyla Oruclu da əməliyyat masasında ölmüşdü. Təəssüf ki, buna baxmayaraq, Qoçxani Azərbaycanda cavan canları almağa davam edir.
Yazıda adı çəkilən qurum və şəxsin mövqeyini yayınlaya bilərik.
