İnsan yaşlandıqca uşaqlaşır. Bu o deməkdir ki,ağlı da uşaq ağlı olur.Onun üçün də yaşlı insanı başa düşmək lazımdır. Bu gün milli məclisin deputatı Astan Şahverdiyev vəfat etdi. Sosial şəbəkələr, mətbuat hamı bundan yazdı. Yazanların çoxu ölən insana qarşı öz aqressiv fikirlərini açıqcasına bildirdilər.
Söyüş, təhqir, mənfi fikirlər….. Bəsdirin, ayıbdır.! Heç vaxt səhv etməmisiniz? Ən azı Astan Şahverdiyev ağsaqqal yaşı keçmiş adam olub. Çoxu Astanın səhvini siyasi mövqeyə də çevirdi. Adam səhvini başa düşdü, üzür də istədi, yenə əl çəkmədik. Bu gün isə dünyasını dəyişdi, amma biz yenə söyürük. Ayıb deyilmi ?!
Astan Şahverdiyevi söyüş hədəfinə kimlər çevirdi? Kimlərə sərf edirdi ki,Astan qınaq hədəfi olsun? Təbii xaricdə qohumları,dostları yaşayanlar… Əslində, Astan Şahverdiyev fikrini düzgün çatdırmamışdı. Bəlkə də xaricdə yaşayan bəzi tufeyli həyat yaşayan azərbaycanlıları söymüşdü və bu gün də şahid oluruq ki, dövlətimizi pisləyən ünsürlər az deyil, hətta seçki öncəsi biz bunları lap yaxından tanıdıq. Xaricdə bizim dəyərli övladlarımız da az deyil ki, ölkəmizi layiqincə təmsil edirlər. Məncə, ölmüş adamı söymək günahdır. Bizim saytları, mətbuatı ermənilər də izləyir. Bəs, sizcə onlar bu cür hallara sevinmir ?! Əlbəttə, sevinir. Bizim tək düşmənimiz var, o da erməni. Belə söyüş söyməyi bacarırıqsa, onları söyək üzbəüz, onlara Qarabağ bizim tarixi ərazimiz olduğunu başa salaq.
Astandan əl çəkin, o öldü, getdi.. Səhv ya düz… Heç vaxt səhv etməmisiniz? Ya sizin atanız, babanız səhv danışmayıb?
Biz lazım olan işləri görək, lazımlı adamları söyək, Astandan əl çəkək, imkan verək rahat yatsın.
Ruhun şad olsun, Astan Şahverdiyev. Allah günahlarını bağışlasın.
Mirismayıl Xələfli
