Prezident köməkçisi blogeri BU VİDEOLARına görə GÖRÜŞƏ ÇAĞIRDIbackend

Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev son zamanlar Operativ Qərargah haqqında hazırladığı satirik videoları ilə hər kəs tərəfindən sevilən, sosial şəbəkələrdə “Əroğrul Kamalov” kimi tanınan blogerə təşəkkürünü bildirib.

“Yeni Gündəm” xəbər verir ki, o, həmin bloger haqqında Nazirlər Kabineti yanında Operativ Qərargahın brifinqinin sonunda danışıb.

Hikmət Hacıyevin sözlərinə əsasən, koronavirus pandemiyası başlanandan bu günə qədər Azərbaycan jurnalistikası ön cəbhədədir:

“Bundan başqa, sosial şəbəkələrdə dublyaj xarakterli filmlər çəkilir. Bəzən satirik filmlər də olur. Biz bunu da normal qəbul edirik. Ərtoğrul adı ilə sosial şəbəkələrdə çıxış edən bir nəfər var. Onun fəaliyyətini, həqiqətən də, çox yüksək qiymətləndiririk. Satira Azərbaycan xalqının mədəniyyətində ən vacib özəlliklərdən biridir. Belə insanlara Operativ Qərargahın fəaliyyətinə göstərdikləri diqqətə görə minnətdarlığımızı bildiririk. Mən şəxsən Ərtoğrulun hazırladığı filmləri izləyirəm və bəyənirəm. Həmin şəxsə təşəkkür edirəm. Hətta onunla görüşməyə və Prezident Administrasiyasına dəvət etməyə hazırıq”.

Blogerin hazırladığı videoların bir neçəsini oxuculara təqdim edirik: