Rusiya prezidenti Vladimir Putin bildirib ki, Avropanın ABŞ-dan asılılığı ona öz maraqlarını qorumağa imkan verməyəcək.
“Yeni Gundem” xəbər verir ki, onun sözlərini RİA Novosti sitat gətirib.
“Avropa elitaları ölkələrdən, ilk növbədə Şimali Amerikadan o qədər asılı vəziyyətə düşüblər ki, onlara xalqının onları seçdiyi əsas şeyi – öz ölkələrinin və xalqlarının maraqlarını qorumaq imkanını həyata keçirməyə imkan vermir”.
Onun sözlərinə görə, bu, Avropanın indiki faciəsidir. Siyasətçi onu da əlavə edib ki, Avropa elitaları milli kimlik hissini itirib.
Putin qeyd edib ki, Birləşmiş Ştatlarda Avropadan bütün müəssisələri və demək olar ki, sənayeləri cəlb edən qanunlar qəbul edilir. Eyni zamanda, avropalı həmkarlar hamısı olmasa da, bu ssenari ilə razılaşır, razılaşmayanlar isə tənqid olunur.
Bundan əvvəl də Rusiya Xarici İşlər Nazirliyi ABŞ-ın qlobal sabitliyin pozulmasında maraqlı olduğunu açıqlamışdı. Qərb bunda maraqlıdır, çünki o, özünü idarəçi hesab edir və istədiyini etməkdə azaddır, deyə idarənin rəhbəri Sergey Lavrov izah edib.
Mənbə: Lenta.Ru
Aynur Camal
