Rusiya prezidenti Vladimir Putin Rusiyanın taktiki nüvə silahlarının iyulun 7-8-dən sonra Belarusa yerləşdirilməyə başlayacağını açıqlayıb.
“Yeni Gundem”-in aldığı məlumata əsasən, Putin Soçidə Belarus prezidenti Aleksandr Lukaşenko ilə görüşüb.
İclasın əvvəlindəki çıxışında Putin təhlükəsizlik və iqtisadi məsələlərin kifayət qədər yaxşı inkişaf etdiyini, təhlükəsizlik sahəsində inkişafın sabit, hətta yaxşı olduğunu bildirib.
İki ölkənin təhlükəsizlik sahəsində yaxşı əməkdaşlıq etdiyini qeyd edən Putin, daha əvvəl Belarusa göndəriləcəyini açıqladığı taktiki nüvə silahlarına da toxunaraq, “Razılaşdığımız ən həssas mövzularda hər şey planlaşdırıldığı kimi gedir. İyulun 7-8-də müvafiq obyektlərin hazırlıq işləri başa çatdırılacaq və müvafiq silah növləri Belarusa göndəriləcək: “Biz dərhal bununla bağlı tədbirlərə başlayacağıq”, – deyə o bildirib.
Xatırladaq ki, mart ayında verdiyi açıqlamada Putin NATO-nun başqa ölkələrdə taktiki nüvə silahı yerləşdirdiyini və Rusiyanın da sözügedən silahı Belarusda yerləşdirəcəyini açıqlamışdı.
Mənbə: İLKHA
Aynur Camal
