“Ancaq Dağlıq Qarabağdakı separatçı rejimin məhvi və Azərbaycan ərazi bütövlüyünün təmin olunması bu müharibəyə son qoya bilər”.
Bunu Milli Məclis Sdərinin 1-ci müavini Əli Hüseynli deyib.
O bildirib ki, Ermənistan silahlı qüvvələrinin humanitar atəşkəs rejimini pozaraq Gəncə şəhərini raket atəşinə tutmaları onların işğalçılıq siyasətindən əl çəkmədiklərini bir daha göstərdi: “Bununla da Ermənistan təkcə müharibə deyil, həm də insanlıq və sülh əleyhinə növbəti cinayəti törətmiş oldu. Çoxlu sayda mülki şəxslərin həlak olması və yaralanması ilə nəticələnən bu zərbə həm də onu göstərdi ki, erməni işğalçı qüvvələri təcavüzə son qoymağa çağıran BMT qətnamələri ilə yanaşı, sonuncu humanitar atəşkəsə də hörmətsiz və etinasız yanaşır. Məhz buna görə də Ali Baş Komandanın söylədiyi kimi, biz nəyin bahasına olursa-olsun torpaqlarımızı işğaldan azad etməliyik. Ancaq Dağlıq Qarabağdakı separatçı rejimin məhvi və Azərbaycan ərazi bütövlüyünün təmin olunması bu müharibəyə son qoya bilər”.Modern.az
