Samuxda qaz partlayıb.
“Yeni Gündəm” APA-ya istinadən xəbər verir ki, hadisə rayonun Sərkar kəndində qeydə alınıb.
Kənd sakini, 1996-cı il təvəllüdlü Cəlal Qurbanov ağır yanıq xəsarəti ilə xəstəxanaya yerləşdirilib. Yaralıya lazımi tibbi yardım göstərilib, vəziyyətinin ağır olduğu bildirilir.
Məlumata görə, C.Qurbanov evdə işığı yandıran zaman partlayış baş verib. Təfərrüatlar araşdırılır.