Avroviziya Uşaq Mahnı Müsabiqəsi 2021-də Azərbaycanı təmsil edən Sona Əzizova açıqlama yayıb.
“Yeni Gündəm” xəbər verir ki, yarışmada beşinci olan Sona instaqram hesabında bu sözləri qeyd edib:
“Parisdən ayrılmaq bir az kədərli oldu, çünki hamımız burada çox gözəl vaxt keçirdik. Ancaq bir müdrik adamın dediyi kimi, “Səfər bitdi deyə ruhdan düşmə, bunun baş verdiyinə görə şükür et”. İndi bir neçə şey demək istəyirəm və onlardan ən əsası odur ki, baş verən hər şeylə fəxr edirəm. Mən özümlə, ailəmlə, komandamla və təbii ki, azarkeşlərimlə fəxr edirəm ki, onlar olmasaydı, bütün bunlar olmazdı”.
