Sovet və Rusiya yazıçısı Vladislav Krapivin vəfat edib.
“Yeni Gündəm” “RİA Novosti”yə istinadən verdiyi xəbərə görə, 82 yaşlı yazıçı bir müddət əvvəl xəstəxanaya yerləşdirilmişdi.
V.Krapivin 1938-ci ildə Tümen şəhərində anadan olub.
Yaradıcılığa ötən əsrin 60-cı illərindən başlayan yazıçı 1974-ci ildə Lenin komsomolu mükafatına, 2014-cü ildə isə Rusiya Federasiyası Prezidentinin mükafatına layiq görülüb.
Onlarla povest, roman müəllifi olan V.Krapivin daha çox uşaq yazıçısı kimi tanınıb.
2016-cı ildə Beynəlxalq Astronomiya İttifaqı 407243 saylı asteroidə Krapivinin adını verib.APA
